КАКО БАКТЕРИИТЕ БЕГААТ ОД САПУН?
Детето е способно да истражува и открива нови работи. Го поттикнувам истражувачкиот дух за откривање на важноста од правилната употреба на сапунот за заштита од бактерии и нашето здравје.
„Што се тоа бактерии?“ - прашува куклата Ана; „Бактериите може и да бегаат.“ - додава Ана.
Дали вие деца знаете што се тоа бактерии? Како бактерии може да бегаат? Каде ги има бактериите? ...
Погледнете што ни донесе куклата Ана и ќе видиме како тие бактерии може да бегаат. Во еден сад ставаме вода со сапун. Во друг сад со вода ставаме бибер, а тој ни ги претставува бактериите, потоа чепкалка за уво ја натопуваме во вода со сапун и ја ставаме во водата со бибер (бактерии). Бактериите се разбегуваат по крајот на садот и ги нема во местото каде што е сапунот.
Воспитувач:
Јелена Вангелова
24.03.2020
ЧУВАЈ ЈА ПРИРОДАТА
Детето се оспособува за координирано движење на телото според тактот на музиката.
Разговараме за потребата од грижа и љубов кон природата и истата како да ја чуваме.
Природата е….(искази од деца)
Продолжуваме со пеење и танцување на песната „Чувај ја природата“.
Воспитувач:
Кристина Лабудовиќ
25.03.2020
ПРОЛЕТНИ ЦВЕЌИЊА
Детето се поттикнува кон естетско доживување на опкружувањето.
Разговараме за пролетни цвеќиња, разгледуваме фотографии од букети со цвеќе, ги именуваме цветовите.
Зошто се нарекуваат пролетни цвеќиња?
Може да сликате пролетни цвеќиња (лале, зумбул и други) со темперна боја, моделирање со пластелин, цртање цветови со фломастер и дрвени бои.
Воспитувач:
Славица Ристеска
26.03.2020
ПЧЕЛИТЕ ВО ГРАДИНА
Детето покажува напредок во правилен говор и го збогатува речникот со нови зборови.
Разговараме за дрвјата во пролет, боите и убавините на пролетта, мирисот на цветовите на дрвјата, мирисот на цвеќињата и како мирисот ги привлекува пчелите.
Изработуваме пчели:
Дајте им на децата празен лист, темперни бои, самолеплива хартија, ножички, итн.
Воспитувач:
Маја Цоканова
27.03.2020
БРОЈОТ ЕДЕН
Поттикнување на децата на размислување и логика.
Децата учат најдобро преку игра, користејќи ги поимите кои претходно ги усвоиле, ги мотивираме да организираат разновидни игри и сликички во нивниот дом.
Формираат множества со еден елемент и се запознаваат со бројот 1.
Потоа може да моделираат број 1, да сечат колаж хартија по контура, пишување со креда, итн.
Воспитувач:
Анета Димковска
30.03.2020
КАКО СЕ ЧУВСТВУВАМ?
Активностите коишто ги правите секојдневно со вашите деца и игрите го подобруваат менталниот склоп на личноста на детето и влијаат врз развојот на сите негови способности.
Со цел да видите како се чувствуваат вашите деца во овие денови, направете календар на кој ќе ги бележите нивните емоции секојдневно.
Именувајте ги и бележете ги емоциите на вашите деца (радост, тага, лутина, страв) со помош на стикери или смајли ликови.
Бележењето правете го пред крајот на денот и разговарајте со детето зошто се чувствува така.
Постапката може да трае и подолго, следете ги промените и разговарајте.
Воспитувач:
Славица Цикарска
31.03.2020
ПРЕПОЗНАЈ ГО ЗВУКОТ
Игра која влијае врз развојот на говорот, мислење, помнење и концентрација.
На детето му пуштате различни звуци од животни, предмети или звуци од природата без да ги гледа. Детето погодува за кој звук станува збор и го опишува.
Заедно имитирајте звуци.
Менувајте го интензитетот на звукот од најтивко до најгласно.
Следете и играјте додека трае интересот на детето.
Музички педагог:
Борислав Јоргушески
01.04.2020
АПРИЛИЈАДА
Детето може да ги препознае и да ги контролира своите чувства и може да се движи координирано со цел.
Да се поддржува детето на свој начин да придонесува за радосен и интересен живот во групата.
Активноста ја започнуваме најнапред со цртање на маска и изработка на маска по желба на децата.
Маската ќе ја обоиме со фломастери и декорација по желба на децата.
Потоа, ја слушаме песната „Априлијада“ (Поточиња, 2006), играме и пееме.
Воспитувач:
Андријана Арсова
02.04.2020
ПОЧВА
Детето стекнува информации за средината преку набљудување и манипулација.
Разговараме што е почва, набљудуваме почва, ја допираме, за да ја почувствуваме почвата.
Во саксија ставаме почва, потоа неколку зрна пченица и ја полеваме со вода. Разговараме за услови, каде може да се постави садот со засадена пченица за да може да никне.
* Потребна е светлина.
Воспитувач:
Анита Николиќ
03.04.2020
ИГРИ СО СЕМЕЈСТВОТО
Играта е една од најубавите работи во детството.
Децата често и сами си смислуваат игри, но убаво е кога се вклучени родителите и целото семејство се забавува.
1. „Колку предмети има?“
Натпреварувачките игри се одличен начин децата да се забавуваат.
На послужавник ставете 10 мали предмети и покријте ги со крпа.
Откријте ги и дадете му на детето време до 10 секунди да ги проучи, да ги разгледа. Потоа, нека каже какви предмети има.
Победник е оној кој ќе наброи најмногу предмети од послужавникот.
Играта трае додека детето има интерес.
2. „Измислуваме приказна“
Игра совршена за развивање фантазија.
На детето му се кажуваат логички неповрзани зборови. Пример: месечина, чај, автомобил, бран, снег, итн.
Изненадување од детска фантазија!
3. „Меморија“
Игра за деца од 5 години.
*Развива внимание и размислување кај детето и служи за добра забава.
Земете 10 играчки, нека детето се обиде да ги запамети, а потоа ги затвора очите.
Поместување на играчките на места и детето ќе ги стави во оригинален ред.
* Детето ги затвора очите, отстранувате играчка. Детето одредува која играчка недостасува.
Воспитувач:
Маја Цоканова
06.04.2020
ЗЕЛЕНЧУКОВА ГРАДИНА
Детето утврдува и проширува знаења за зеленчукови плодови.
Разговараме, набљудуваме и опишуваме зеленчукови плодови, зошто е здраво да се конзумира зеленчук и како правилно го подготвуваме.
Заедно подготвуваме зеленчукова салата.
Може да моделирате зеленчук со пластелин, да цртате зеленлукови плодови, да бојат по контури.
Воспитувач:
Валентина Гавриловска
07.04.2020
ВИНОЖИТО ЗА МОЕТО ДРУГАРЧЕ
Детето развива социјални вештини во интеракција со други деца.
Јакнење на другарство во група и позитивни емоции.
Разговор за виножито и неговите бои.
Секое дете има задача да наслика виножито и истото да му го подари на своето другарче.
Воспитувач:
Јелена Вангелова
08.04.2020
Е - Занимална: 3 до 4 години - Наука - Запознавање и разбирање на околината - „Петте сетила“
Воспитувач:
Роса Цветановска
09.04.2020
Е - Занимална: 4 до 6 години - Весела Математика - Бројот 3, Златка и трите мечиња
Воспитувач:
Славица Ристеска
10.04.2020
Е - Занимална: 3 до 4 години - Наука - Запознавање и разбирање на околината - „Секој има право да се храни здраво“
Воспитувач:
Роса Цветановска
