Основање и локација на установата

ЈУДГ на О.Ц „Раде Јовчевски – Корчагин‘‘ е основана 1948 година.  Установата започна како јасли, но потоа прерасна во детска градинка која беше единствена во градот и работеше  втора смена. Започнавме со еден објект-барака, се проширивме и сега имаме 4 објекта. Со децентрализација објектот „Петар Пан‘‘ е доделен на друга општина и во моментов броиме три објекта, сите тие се наоѓаат на територијата на општина Центар. Во градинката згрижуваме, воспитуваме и образуваме деца на возраст од 0 - 6 години, организирани во 21 воспитна група, според станададите предвидени со закон.
Објект „Пинокио‘‘. Него го сочинуваат 12 воспитни групи. 3 групи на возраст од 0-2 год. и 8 воспитни групи на возраст од 2- 6 год. Групите се пространи, наменски опремени со содветни дидактички материјали за воспитно-образовна работа. Во рамките на објектот функционира и голема сала која се користи за различни намени. Работното време на објектот е од 06:00-18:00 часот.
Објектот „Пепелашка‘‘е простран и модерно уреден и целосно реконструиран. Во рамките на овој објект работат 7 воспитни групи од кои 1 хетерогена група втора смена. Располага со наменски уреден двор за игра и престој на децата на свеж  воздух. Работното време на објектот е од 06:00- 22:00 час.
Објектот „Палешка‘‘ го сочинуваат 2 хетерогени воспитни групи од 2 години до поаѓање на училиште. Групите се уредени модерно, со високи педагошки стандарди и објект кој е целосно реконструиран. Располага со голема тераса, која што се користи за игри и престој на децата на свеж воздух, приредби и дружења со родителите. Работното време на објектот е од 06:00 - 18:00 часот.
Податоци за Патронот на установата
Патронот на установата е млад револуционер, патриот, борец за слободата на Македонија од втората светска војна. Прогласен е за народен херој и неговата биста се наоѓа во Алејата на великаните на градските гробиштата во Бутел - Скопје.