Стандарди:Детето покажува интерес за печатени материјали;
Цели: Да се поттикнува и развива љубов, интерес и навика за користење разни печатени материјали;Да се навикнува правилно да ја разлистува сликовницата;
Тек на активноста: Активноста започнете ја со креативна визуелизација, која ќе ја водите вие. Продолжете со читање на текстот, по што ќе ги набљудувате и опишувате сликите. Потоа поттикнете го детето да ја прераскаже содржината на текстот. Доколку има потреба помогнете му. Објаснете му дека ветерот не можеме да го видиме, да го помирисаме, значи нема боја, облик, но можеме да го осетиме со помош на нашата кожа. Во продолжение може да организирате игра„ создаваме ветер“. За таа цел ќе ви биде потребно фен и балони, но истовремено може да организирате натпревар во дување. Во продолжение детето може да се обиде да го илустрира ветерот онака како што го замислува.
Материјали и средства за реализација: Росица 6/2021, балони, фен.
Прилог бр.1
Креативна визуелизација
Седиме удобно со исправен грб. Бројам. Три, два, еден ги затвараме очите и со мислите ќе се преселиме во блискиот парк. Облечени сме убаво, во топла облека. Чизмички, панталони, џемперче, јакна, ракавички, шал и капа. Природата околу нас е прекрасна, ја набљудуваме. Го чувствуваме ветерот како не штипка по образите, но нас ни е топло. Се чувствуваме убаво, го чувствуваме мирот. Вдишуваме и полека издишуваме. Вдишуваме и издишуваме. Еден, два, три, ги отвараме очите и еве сме тука во нашиот дом спремни да проследиме прекрасна кратка приказна.
Воспитувач :Валентина Гавриловска
